Upphitunardagur í Suzukideild laugardaginn 1. september

UPPHITUNARDAGUR Í SUZUKIDEILD TÓNSKÓLANS LAUGARDAGINN 1. SEPTEMBER 2018

 

Til nemenda og forráðamanna í Suzukideild Tónskólans

Nýtt skólaár er að hefjast og hlutirnir óðum að færast í fastar skorður, stundatafla fjölskyldunnar að verða til og tilhlökkun í lofti.

Næstkomandi laugardag, 1. september, ætlum við að hittast og hita upp fyrir veturinn. Selló- og gítarnemendur byrja í Laugarneskirkju en fiðlu-, víólu- og píanónemendur verða á Engjateigi.

Æft verður frá kl. 9:30-11:30, sjá dagskrá hér fyrir neðan, og við hvetjum yngri nemendur til þess að mæta fyrr og /eða staldra lengur við og hlusta á lengra komna nemendur. Nýnemar og gestir eru hjartanlega velkomnir til að fylgjast með og hlusta á allt sem fer fram þennan dag.

Kl. 11:45 verður foreldrafræðslufundur fyrir ALLA FORELDRA í Laugarneskirkju. Á meðan á fundinum stendur er nestistími hjá börnunum, hver og einn kemur með sitt eigið nesti.

Að lokum, kl. 12:30, munum við enda dagskrána á stuttum tónleikum í Laugarneskirkju þar sem allir munu koma fram.

Hlökkum til að hitta ykkur og eiga saman góðan dag,
bestu kveðjur frá Suzukikennurum

 

DAGSKRÁ :

 LAUGARNESKIRKJA

 Selló       9:30-11:20  í Laugarneskirkju

Gítar         9:30-11:20  í safnaðarheimili Laugarneskirkju

 

ENGJATEIGUR 1

Fiðlur

9.30-10.20          Bækur 4, 5, 6 og 7  í  salnum á Engjateigi

10:30-11:20        Allar fiðlur í salnum á Engjateigi

Víólur                  9:30-11:20 Stofa 203

Píanó                   9:30-11:20 Stofa 303

 

Hljómsveitaæfingar 2018-19

Hljómsveitaæfingar skólaárið 2018-19 hefjast þriðjudaginn 4. september.

Æfingar hljómsveita haustið 2018.

Hljómsveit 1  –  miðvikudagar kl. 17-18 á Engjateigi

Hljómsveit 2  –  laugardagar kl 11:45-13:15 á Engjateigi

Hljómsveit 3  –  þriðjudagar kl. 17-18:30

Strengjasveit Tónskólans  –  laugardagar kl. 11-13 í Laugalækjarskóla

 

 

Kennsla hefst föstudaginn 24. ágúst

Hljóðfærakennarar hafa samband við nemendur sína vegna stundatöflugerðar dagana 21.-23. ágúst.

Nánari upplýsingar um tímasetningar tónfræðigreina, hóptíma í Suzukideild, æfingar strengjasveita og gítarsveita verða aðgengilegar á heimasíðu föstudaginn 24. ágúst.

Skólagjöldum er dreift á 6 gjalddaga frá 1. september 2018 til 1. febrúar 2019 og birtast kröfurnar í heimabanka. Opnað verður fyrir notkun frístundakorts Reykjavíkurborgar til að greiða niður skólagjöld í Tónskóla Sigursveins 25. ágúst og kröfur í heimabanka munu lækka í samræmi við ráðstöfun á frístundastyrknum.

Vinsamlegast hafið samband við skrifstofu skólans í síma 568 5828 eða með tölvupósti á netfangið tsdk@ismennt.is ef óskað er nánari upplýsinga eða gera þarf breytingar varðandi skólavist árið 2018-19.

Upplýsingar um námsgjöld fyrir skólaárið 2018-2019 má finna hér.

Nótan 2018

Lokahátíð Nótunnar 2018 í Hörpu fór fram sunnudaginn 4. mars. Atriðin þrjú frá Tónskólanum voru meðal þeirra tíu sem verðlaunuð voru:
Bjargey Birgisdóttir, fiðluleikar og Jón Ísak Ragnarsson hlutu bæði verðlaun í flokki einleikara á framhaldsstigi og strengjakvartett skipaður Johönnu Brynju Ruminy, Ingibjörgu Ástu Guðmundsdóttur, Þórhildi Magnúsdóttur og Jóni Pétri Snæland verðlaun í samleik á framhaldsstigi.

Auk þess var Bjargey og Jóni Ísak boðið að leika einleik með Sinfóníuhljómsveit áhugamanna á næsta ári.

Á myndinni eru verðlaunahafar ásamt borgarstjóra Degi Eggertssyni.

Myndir frá Nótunni 2018

Innritun fyrir skólaárið 2018-2019


Staðfesting á skólavist á skólaárinu 2018-19 í Tónskóla Sigursveins fer nú fram rafrænt í skráningakerfi skólans þar sem forsvarsmenn (greiðendur) geta skráð sig inn í vefgáttina á slóðinni:
https://innskraning.island.is/?id=schoolarchive.net

Velja á flipann nemandi og smella á breyta til að svara spurningunni um áframhaldandi –já eða nei – í síðasta lagi mánudaginn 16. apríl.

Forsvarsmenn þeirra sem eru að ljúka forskóla velja flipann umsóknir og fylla út umsókn um óskahljóðfæri. Vinsamlegast farið yfir upplýsingarnar í vefgáttinni, netföng og símanúmer, og leiðréttið ef með þarf.

Sé óskað breytinga s.s. á námshlutfalli þarf að hafa samband við skrifstofu.

Vinsamlegast látið hljóðfærakennara vita ef nemandi ætlar ekki að halda áfram námi næsta vetur.

Til að tryggja sér skólavist þarf einnig að greiða staðfestingargjald að upphæð kr. 15.000 sem birtist í heimabanka með gjalddaga 23. apríl og er það inngreiðsla á skólagjöldin næsta vetur.

Skólagjöld fyrir fullt hljóðfæranám verða 123.000 kr. (forskóli og hálft nám 79.000 kr., fjölskylduafsláttur er 15%)

Eftirstöðvum að frádregnu staðfestingargjaldinu verður dreift jafnt á 6 gjalddaga, og birtast kröfurnar í heimabanka mánaðarlega frá 1. sept. 2018

Hægt er að nota frístundastyrk Reykjavíkurborgar að upphæð 50.000 kr. til að greiða niður skólagjöldin og opnað verður fyrir ráðstöfun á styrknum á Rafrænni Reykjavík í lok ágúst. Innheimta skólagjalda í haust verður lækkuð í samræmi við ráðstöfun á frístundastyrknum.

Hafið samband við skrifstofu skólans (tsdk@ismennt.is, 568 5828) ef upp koma vandræði með rafrænu staðfestinguna, eða ef spurningar vakna eða gera þarf breytingar.